* حيــــرَه
وزيّ كــل بنـــت اتظلمــــــت
وزعلت على حبيبها واتقهرت
مش عارفـه ترجـع زيّ الاول
بعــــــد مــــــا إتـكســــــرت
-حاول يقرَّب منها .. فَشَل
وكـل ما يقــرَّب مـن بــــاب
يلاقيــــه إتقَفَـــل
حاول يعرَّفها إنّه ..
مش زي حببها الاولاني
وعمره ما هييجي عليها..
أو يكـــــون أناني
ردت بكلمه واحده..
إنســــاني
قـرر انه ميكلمهاش تاني
ويحاول يلاقي حُب جديد
يبــدأ معــاه مـــن تانـــي
وعشــان صمــم ينساهـا
إرتبط بواحــده والســلام
وهــو قـاعـد ويّـــــــاهـــا ..
شايف الاولى في الاحلام
ظلمها بقلِّة اهتمامه بيها
كــان مبيحســش بيهـــا
لمّا كانـت بتقولّــه بحبَـــك ..
كان بيحس بتأنيب ضمير
تعَبـُها وجِــه عليهــــا كتير
عملت المستحيل عشان ترضيه
ومكانتش بتلاقــــي تقدير
مكانتش بتعرف تزعَل منه
وكان حبُّـه ف قلبهـا كبيــر
كُل كِلمَـــه كـــــان بيقولهـا
مكنتـش طالعــه مـن قلبــه
مهما كان بيتظـاهر بحبها ..
جواه احساس تاني غَالبُه
مـاكانـــش حــاسســـــها
كل ما كان بيقعد معاهــا ..
يفضل يفحصها و يدرسها
كـــل صفــاتهــــا ..
ع الاولــى كــــــان بيقِسهــــا
بيطلَّع فيها اي غلطه والسلام
ولما كان بيكلمهـــا ..
كتير كان بيسكت
ومبيلقاش كـــلام
"مقدرش يخونها ولـو حتــى بتفكيــره
لما كان بيحاول يمثِّل انه مش ناسيها
كـــــــان يــــوميـــــن بكـتيـــــــره ....
مكنش عارف إنّ نارها .. مصيـــــرُه"
وف مـــره ..
كانـــوا ســـوا قاعـديــن
و كالعــــاده ساكتيـــــن!!
بـــدون مقدمـــات قالتلـه ..
-عارفه إنك مش حاببني ..
ومش خايفه إنك تسيبني
بـــس ..
عمرك ما هتلاقي حد يبحبك ..
ويخــاف عليـــك قَـــــدّي
لو مش هتعرف متقلقـش ..
يومين وهنساك و هتعدي
ولو حبيت أكون جمبــــك ..
هكون معاك أصون حبك
خُـــــد وقتَــــك وفـكَّـــــر
ولو حسيـت إنك هتقــدر ..
أوام هتلاقينــي جيتــلك
ولــــو مـاكنتــش قــــادر ..
انا هعرف لوحدي وهبعد
وربنا على إسعادك قادر
قامت من مكانها وفي عنيها لمعَـــه
كانت عارفه إنها لو قعدت ثانيه
مكنتش هتقدر تمسك الدمعه
مشيت وسابته ساكت
مسهِّـم و شــارد
بيفكّــر و محتـار
ايه هيكون القرار؟!
يكمّل معاها ويظلمهــا ؟
ولا يسيبها .. ومنّه يحرمها
لـو كمِّــل ممكــن يحبــــهـا ؟!
ولا مش هيقدر وهيعذِّب قلبها ؟!
لو سابهـــا ...
هيلاقي بنت بتحبه زيَّها؟!
ولا هيندم إنّه بِعِد عنهـا ؟!
To be continued
من وجهة نظرك تتوقع نهاية القصه إيه ؟!
Aucun commentaire:
Enregistrer un commentaire